ياريت ما نمسحش النمرة

السلام عليكم و رحمة الله و بركاته




انا عاوزة اقولكم حاجة مهمة جدا
ممكن بعضكم يشوفها موضوع مبالغ فيه شوية
و ممكن البعض التانى تعجبه الفكرة
و هى
يا ريت ماتمسحيش النمرة


الموضوع هو اننا كتير بنفقد حد كان قريب اوى مننا و غالى اوى علينا
و نبقى متأثرين اوى و نفضل نترحم ليه و نفتكر مواقف معاه
اسبوع اتنين
شهر شهرين
سنة سنتين


و بعدين ننسى
و دى نعمة من ربنا النسيان
و فين و فين لما يجى الحد دة على بالنا علشان ندعيله او نترحم عليه


انا فقدت من سبوعين كدة واحدة من اقرب الناس ليا و كنت بعتبرها اختى
بس عمرى ماهنساها و لا هابطل اترحم عليها ابدا


و علشان ما اقعشفى دايرة النسيان
عمرى ما هامسح اسمها من قايمة الاسماء فى تليفونى
علشان حتى و انا بقلب فى النمر على التليفون افتكرها و اترحم عليها و ادعيلها


و انتم كمان يا ريت ما تمسحوش نمر الناس اللى بتفقدوهم فى حياتكم
و حتى لو ماكانش عندهم تليفون سجلوا اسمهم باى ارقم على القايمة
حتى لو بتاريخ يوم وفاتهم فى قايمة النمر على التليفون


و ربنا يرحم موتانا جميعا و يرحمنا معاهم
و يجمعنا بيهم فى الجنة باذن الله


و اللى تعجبها الفكرة يا ريت تنفذها