حماتى جابتلنا العاااااار

زى العنوان ما بيقول كده يا بنات على فكره انا كنت كتبت الموضوع ده بعضويه تانيه امبارح واتقفل عشان العضويه مكرره
وانا مكنتش اعرف ان ده غلط فكتبته فالمحتاره عشان بجد محتاجه اسع رايكم لان الموضوع محرج وصعب انى اتكلم فيه مع اى حد وارجو من المشرفين ينزلوه بسرعه
ندخل فى الموضوع
حماتى الله يجازيهاجابتلنا العار فعلا بعملتها الهباب هحكيلكم احنا عايشين ازاى عشان يبقى الموضوع واضح من كل الجوانب
احنا بيت عيله وفيه 3 سلايف وحمايا متوفى من فتره قريبه بس كل واحد مستقل بحياته بس ميمنعش اننا لازم نتجمع وننزل لحماتى وتقريبا نص اليوم بنبقى فى وشها
جوزى وجوز سلفتى بيسافرو وبيجو كل شهر اجازه كام يوم وسلفى التالت وهو الكبير موجود فى البيت كل يوم بس ساعات بيغيب كام يوم عن البيت بحكم شغله
من الاخر يعنى البيت او قات كتير مبيبقاش فيه ولا راجل
انا جوزى لما بيسافر بروح عند ماما لانى حامل وحملى صعب وكمان بليل كلهم بيخرجو ويسيبو البيت لوحده وانا بخاف اعد فى بيت طويل عريض لوحدى
المهم يا بنات حماتى قدامى وقدام كل الناس الست الطيبه الغلبانه التقيه ولابسه ماسك السهوكه والانكسار من بعد ما جوزها مات وكل ما تشوف وش جوزى تقعد تعيط قال ايه زعلانه على موت ابوه ومقهوره
وتروح الترب بصفه مستمره والانكسار على وشها وتنكد على جوزى فى اجازته
وانا كنت اول المغفلين اللى مصدقين كل الللى بتعمله ده اتارى كل ده طلع تمثيل وانها ست قادره بمعنى الكلمه

المهم سلفتى الكبيره جت وشكت فى بعض تصرفاتها لان هى اكتر واحده بتقعد معاها وكان شكخا ده ان فيه راجل غريب بيدخل البيت بليل فى عدم وجود ولادها ويوم جه وجوز سلفتى موجود وهى حست بيه لان شقتها فوقها بس مقدرتش تتكلم لانها مكنتش متاكده
المهم قالت لسلفتى التانيه ودى بقى تبقى قريبة حماتى من الدرجة الاولى طبعا كدبتها ومصدقتش
بس هى قالتلها هثبتلك وهخليكى تشوفى بعنيكى وفعلا عملت كده كان فى يوم البيت فاضى مفيش فيه ولا راجل
سلفتى فضلت سهرانه وفعلا شافت الراجل وهو داخل والراجل ده سمعته زى الزفت ومن نفس المنطقه اللى احنا فيها
طلعت نادت على سلفتى التانيه وقالتلها تنزل تخبط عليها وتشوف بعنيها وفعلا عملت كده
حماتى فتحت ليها بعد وقت طبعا فدخلت سلفتى على اوضة النوم على طول اتصدمت بالراجل
موجود فى اوضة النوم على سريرها وطبعا انتو عارفين المنظر شكله ايه
انهارت طبعا لان حماتى قريبتها ونزلت سلفتى الكبيره وشافت المنظر هى كمان وشتمتها وبهدلتها وخدو بعض وطلعو
الكبيره قالت لجوزها طبعا اول ما جه وسلفتى التانيه قالت لامها
وابنها الكبير واجهها وهى كانت بترد بكل وقاحه وبجاحه المهم اتفق معاها انه هيدارى على عملتها الهباب
هى تتلم وتسكت بقى لاء ازاى بدات تكلم الراجا تانى فى التليفون وبدات تكره اهلها فى سلايفى الاتنين وتشتم وتقعد تدعى عليهم وتكره ولادها فى ابنها الكبير ابنها قام قايل لاختها على فضيحتها وقال لامها واختها قالت لمرات اخوها ومرات اخوها قالت لجوزها يعنى فضحوها قدام اهلها وسلفتى الصغيره جت قالتلى وحلفتنى مقولش انى اعرف واتعامل ولا كانى اعرف حاجه
سافتى دى بقى قالتلى لسبب ان حماتى كانت وخدانى على حجرها اهتمام زياده ومعامله فوق الوصف بس بصراحه كانت كويسه معايا لدرجة الاوفر وانى كنت شاكه ان فيه حاجه غلط
وفهمتنى ان هى بتعمل معايا كده عشان تغيظهم بيا وانها واجهت حماتى انها بتميز فى المعامله حماتى قالتلها انها بتعمل معايا كده عشان تكيدهم وتحرق دمهم
وماسكه ودن جوزى من ناحيه دلع وحنيه اتارى كل ده مش حقيقى وانها بتكيدهم بيا انا وجوزى وانا زى الهبله
المشكله بقى يا بنات ان انا تعبتتتتتتتتت وقررفت وزهقت حسيت انى كرهت نفسى وكرهت جوزى وكرهت البيت
عايشه فى بيت كل الللى فيه عالم زباله
سلفتى الكبيره استغلت الموقف وبتاخد من حماتى فلوس ومعظم طلبات البيت
والتانيه اللى هى قريبتها فضحتها وقالتلى رغم انهم قرايب من الدرجه الاولى
وانا عامله نفسى هبله ومش فاهمه بس تعبت انتو متخيلين انا عايشه فى بيت عامل ازاى
متخيلين ولادى هيتربو فى بيت عامل ازاىانا قربت اولد ونفسيا مدمره
انا قررت اعيش فى حالى نهائيا لانى مش طايقه حد فى البيت بس جوزى هيلاحظ انى متغيره وده هيعود بالنكد والارف
لان الواقع اللى قدامه ان امه دى ملاك وانها شيلانى من على الارض شيل
وهو ابن امه شويه
وانا مطحونه فى النص وقررت ان اقول لجوزى على كل الارف والعك ده عشان اتفادى اى مصيبه تجيلنا من تحت راسهم
ولانى خايفه على بيتى وعايزه اعيش انا وولادى فى جو نضيف
وعايزه اشيل الهم ده من على قلبى انا كارهه البيت اوى ارجووووووووكم حسو باللى بقوله
انا بجد تعبانه اوىبس مش عارفه قرارى ده صح ولا غلط
وسكونى تعبنى وجوزى طبعا مبقاش فاهمنى والمشاكل بدات ما بينا
مش قادره افرح بابنى الللى جاى ومش قادره اتعامل مع حد انا تعبت
وعلى فكره انا جوزى مش هيكدبنى لو قولتله بس فى نفس الوقت اقوله ازاى وسلفتى قالتلى متجبيش سيره لحد
انا مش عارفه اتصرف ازاى ومش عايزه بيتى وحياتىى وعلاقتى مع جوزى تخرب بسبب ناس زباله زى دول
بالله عليكم اعمل ايييييييييييه
اقوله واحلفه ميجيبش سيره لحد وميقولش ان انا الللى قولتله منعا للمشاكل ده لو فكر يواجه امه
ومحدش يقولى شوفو شقه بره
احنا لسه فى اول حياتنا ولسه بنسدد فى ديون
اكيد هيبقى لينا بيت مستقل فى يوم من الايام بس ده بعد سنين طويله اوى
يعنى مفيش مفر انى اخرج من البيت اللى انا فيه وبعدين دى شقة جوزى وشقا وتعب سنين
اعمل اييييييييه بالله عليكم تردو عليا وتكلمونى قبل ما يحصلى حاجه

معلش الموضوع طويل بس كان لازم افهمكم الوضع عشان تشوفولى حل
وحياة الشهر الكريم الللى احنا فيه تردو عليا