اتجوزت واحد عنده تلات عيال . منهم اتنين معاقين

الموضوع مش عني ده عن صحبتي مش عارفة اقولها ايه

باختصار شديد احنا كنا مع بعض في الشغل انا وهي واتنين كمان اخوات جدااااا
المهم هي كانت 33 سنة تقريبا او اكبر .. المهم اللي في السن ده هيحسو هي كانت حاسة بإيه

وخصوصا اهلها صعايدة ولكم المفارقة كانت عايشة لوحدها في الشقة بس كان ليها اهل معاها في نفس البيت
المهم ... انا هكتب الموضوع بنقط مختصرة علشان مطولش

اتقدملها كتير محصلش نصيب .. حست انها كبرت . المهم اتقدملها واحد ارمل . مراته متوفية بمرض اسأل الله العظيم ان يرحمها
الراجل عنده ولد وبنتين توأم .. البنتين معاقين . اعاقة كاملة . منهم واحدة مبتتحركش خالص حزينة
المهم صاحبتي قالتلي اهلي جابولي العريس ده واحنا طبعا موال انه عنده عيال ده اصلا منعرفهوش .
فرحنا طبعا وشجعناها علي انها توافق


نتفاجأ بقي انها انقطعت عننا شهور بعد جوازها.... ولما سألت عليها انا واصحابي حتي علشان نروحلها . مكانتش بترد ومش عارفين نوصلها ..
طلعت متجوزة الراجل ده بالمواصفات اللي قلتها دي . عنده تلات عيال

عايش في بيت عيلة حزينة
امه بتعامل صاحبتي وحش .. مش عارفة ليه . بس اغلب المشاكل اللي فهمتها انها مش عايزة العيال عندها لانها مش بتستحملهم وكانت مستعجلة علي جواز ابنها علشان
المسئولية مش قادرة تشيلها .. ده اللي فهمته والله اعلم


حياتها بقت تعاسة في تعاسة . تصحي الصبح تغير لدي وتحمي ده وتسكت دي وبقت عصبية بعد ماكانت هاااااااااااااااااادية
واوقات تكلمني وهي بتعيط تقولي انا ضربت البنت وتعيط وتقولي كدة ربنا هيغضب عليا؟؟؟


طبعا اصحابي انا اتكلمت معاهم وواحدة منهم قالتلي ياريتها تتطلق انا خفت لما قالت كدة اننا نقولها يعني ليكون حرام علينا ..

بس غصب عني لما بتتكلم معايا في التليفون وتقولي انها بتخدم تحت عند حماتها كمان
بتنرفززز جدااااااااااا علشانها وبتصعب عليها اوووووووووووووي
ساعات اقولها يابختك هتدخلي الجنة وش . وساعات اقولها متجييش علي نفسك كدة لان اعصابها باظت ... بعدين بستغفر .. هل انا كدة مش بعينها علي الثواب؟؟؟
انا بقي خايفة من النقطة دي

ياجماعة انا صاحبتي قالتلي انا مش هقولها حاجة عن الطلاق لكن انا كل مرة ببقي عايزة اواعيها ان صحتها هتضيع منها لازم تعمل وقفة مع جوزها وتعمل حد للتعامل مفيييييييييييييييييش فايدة ..
وهي ياعيني اهلها حتي مش سألين خالص

المهم دلوقتي ولما قلت اتكلم معاها في التليفون لقيتها حامل .....
قولولي اعمل ايه خصوصا اني عرفت انها مش راحمينها وهي حامل خدمة تحت عند حماتها وخدمة في بيتها وعيال جوزها
والمدارس بتاعة الولد والبنات اللي ربنا يرحمهم ويصبرهم علي اللي هما فيه....
انا مش عارفة اقولها ايه . شورو عليا البنت صعبانة عليا اوي اوي .. بدأت تنزف بقالها فترة وحملها ضعف خالص هي لسة في الاول وحماتها مش راحماها وجوزها ولا في دماغه . وحسيت ان في بينهم مشاكل كمان
اعمل ايه . اقولها ايه .. صعبانة عليا اوي والله العظيم . اقويها ازاي علي اللي هي فيه .. ربنا يصبرها وادعولها وادعولي يااااااااارب يباركلها ويصبرها ويقومها بالسلامة . وادعولي ربنا ينولني اللي في بالي

ررررررربنة معاكى
و يفك كربكى