فوائد الشاي الاخضر للبشرة

فوائد الشاي الاخضر للبشرة

الشاي الأخضر :



إكتشف العلماء إنّه إذا ما شرب منّه عدّت أكواب في اليوم فإنها كفيله بحرق مئات السعرات الحراريّه

||هالمعلومه غير أكيده وحتى إذا كان ذلك فإنها قد تسبب نتائج عكسيّه لأنه أولا وأخيراً شاي وفي من الأطباء مانفى إنقاصه للوزن رغم الفوائد الكبيره له ومنهم وكثير شفت في محرك البحث من أكد على أن تناول 3 أكواب يومياً يسوي في الجسم اللي مايتسوّى ||

خلينا في خبير التجميل
ربط بين إزالته الفعّاله لدهون الجسم وقال أجل كيف راح يكون مفعوله على الجلد
سوّا دراسته
إكتشف إنّه
منظّف عميق للوجه
ومعقّم
ومزيل للمكياج
وهو كفيل بإزالة كل الشّوائب من البشره
تصدقون إنّي ركنت كل هالمواد التّجميليّه على الرّف

وإستبدلتها بالشاي الأخضر

هالمستحضرات ضروريّه

لأن غسيل الوجه بالصّابون أو خلنا نقول تنظيفه بالغسول لايكفي يحتاج إلى (المنشّط ) أو اللوشن المنقّي اللي يكون يباع على شكل بخاخ
واللي مايعتقد هالشي يجرب يغسل وجهه بالصّابون ويآخذ قطعه قطنيّه فيها شاي أخضر ويمسح بها على وجهه إذا لم يكن هناك شوائب فلا يحتاج لمعقم وإن كان فبالطبع يحتاجه

ومزيل المكياج إذاماستخدمتيه في إزالة الماكياج فستجدين البثور في إنتظارك خاصّه لو نمتي بمكياجك
هذا غير الجفاف لأن ماينفع تزيلينه بالصابون يجفف البشره

الشاي الأخضر يشيل كميّه كبيره من المكياج بلمسه وحده

في شي يحبّونه البنات ومنهم من تحلم فيه إنهم يوردون
وإذا الجسم ورّد ( يعني أخذ اللون الوردي )هذي علامه صحيّه معناتها إن الدوره الدّمويّه تحرّكت فيه

في شي مهم تخلطونه مع الشاي الأخضر >> ماء الورد سر جمال الإيرانيّات هذا بعد يورّد

وإذا تبون تنظيف عميق جداً للبشره بأوراق الشاي

بعد مانخليها من 3إلى 5 دقائق نفتح كيس الشاي ونفرك الوجه بأوراق الشاي وكلما حبيتو نظافه أعمق فركو وجهكم فيه لمدّه أطول مع كميه أخرى من أوراق الشاي ولاتنسون الكريم المرطب بعدها عشان تشوفون النعومه مع النظافه اللي لاقبلها ولا بعدها

أمّا الاسنان فهذي دراسه نقلتها من مجله صدرت عام 2005 =

((((يفيد استخدام الشّاي الأخضر
كغسول جيّد للفم
فهو يحارب بكتيريا الفم الضارّه
التي تسبب الإصابه بتجويفات في الأسنان
طبقة البلاك
ورائحة النّفس الكريه
وبما إن الشّاي يحتوي على
الفلورايد
وحامض التنيك
فهو بذلك يشكّل حماية ووقاية كبيره للأسنان
لأنّه يمنع التّفاعل بين
السّكّر
والبكتيريا التي تلتصق بالأسنان وتسبب تسوّسها ))))

أبهرتني هالدراسه لأن المكوّنات اللي موجوده في الشاي الأخضر هي ماتحتاجه الأسنان تماماً

إبتداءً من الفلورايد
إلّا الأطفال اللي تحتاجه أسنانهم من السادسه وللمعلوميّه ماينفع نستخدم المعجون والفرشاه للأطفال دون الثالثه كيلا تعيق الفرشاة نمو الأسنان وحتى لايبتلعه الطفل

والمعجون يضر الأسنان ولايفيدها لأنّه يحتوي على شيئين = أساسيين في تكوينه ::

الأوّل ::
سولفات لوريث الصّوديومsls\

هي مكوّن أساسي في كل شامبو كل معجون وكل صابون

يسبب السّرطان سم الله علينا وهذا مافي أمل يشيلونه من المكونات !!

حتى إن اللي إكتشف هالشي >> كلّم الشركات وقالهم تراكم حاطين سولفات لوريث الصوديوم وهو خطير يسبب السرطان قالو ندري !! قال حرام عليكم !! قالو ::هو اللي يكوّن الرّغوه مستحيل نستغني عنّه @
يمكن المعجون الوحيد اللي ماعتقد فيه سولفات لوريث الصوديوم هو الخاص بنزيف اللثّه بارودونتكس لأن مافيه رغوه أبدا
المعجون هو الشيء الوحيد اللي نقدر نستغني عنّه 100 % حسب تجربتي

مره زارتنا دانتيست طبيبة أسنان وكلّمتنا عن أنواع سرطانات الفم وقالت لنا لازم نفرّش لساننا ! مو كاتبتها غلط لساننا !! لأن في سرطانات تصيب الفم انا حسيتها لناس العاديين شبه مستحيله بس للمدخنين كل شي ممكن يجيهم !!!

عموماً تفريش اللسان يسبب الغثيان وبعدين مو متوفّر في كل فرشاة
عن نفسي أكتفي بالمضمضه بغسول الشاي الأخضر

والمكون الثاني في المعجون ::

السّكّر اللي يسبب التّسوّس واللي يحذرونّا من اضراره على الأسنان إنصدمت إنّه ضمن مكونات المعجون غريبه ماحسّيت بطعمه عموماً معجونات الشوكولا يعني من بدو يحطون نكهات فيها وبدو يتشكون من بعض المعجونات وأنا غاسله يدي منهم

حتّى متخصصي الطب البديل او التكميلي

يقولون إنّ المعجون يضر ماينفع

في معجون وحيد ياباني نلقاه في المحلّات اللي تبيع كل مايخص متبعي نظام المايكروبايوتيك

يتكوّن من الملح ومحروق الباذنجان
هذا اللي يبيّض الأسنان بياض مسكّت
ولأنّه مو متوفّرفي الصيدليّات وحتى إيجاده >> نصحو بغسول الماء والملح
**بس متخيلين الملوحه على الرّيق وقبل النوم ؟!!
الشّاي الأخضر مذاقه مريح لامالح ولا حالي **

وأنا قريت هالخبر ورحت للمطبخ حقل تجاربي الجديد ونجحت التّجربه

في دكتورة قرأت عنها سوّت دراسه عن فائدة الشاي الأخضر في علاج حب الشباب(( واللي عجبني فيها إنها دكتوره عاديّه يعني مو طب بديل وكذا يعني يمكن تسوّي مستحضرات طبيّه وطبيعيّه وسمعت إن الأدويه تحتوي على 70% مواد طبيعيّه ))ومعروف دور فيتامين هـ في علاج حب الشباب سواءً على شكل أقراص أو على شكل كريم

يعني يعتبر علاج أساسي لحب الشباب

إكتشفت هالدكتوره إنّ الشاي الأخضر أفضل من هالفيتامين بكثيــــــــــــــــــــر في علاج حب الشباب أعتقد بنسبة 90%

بصراحه ماحد معطيني وجه على هالمعلومات !! هم يشكّون إن شركة الشّاي الأخضريعطوني نسبه !!
ماينلامون لأّنّي مسويه لهم دعايه جامده

طيب ومع اللثّه ::

النّاس اللي عندها نزيف في اللثه ماتقدر تنظّف أسنانها عدل لأنها وهي تنظفها تجرّح في لثّتها

وأيضاً اللي قاطعت التفريش مده طويله فلازم ماترجع تفرشها بشكل عادي لازم تداري عليها تفادياً لنزيف اللثّه ومع كذا ماتسلم منّه

مع الشاي الاخضر تتعاملون مع اللثّه براحتكم يعني تحركون الفرشاه على مزاجكم وماله داعي تدارون

لانزيف لثّه ولا شي أصلاً إنتو لما تشربون الشاي ماتحسون بجفاف في لثتكم أو تماسكها نوعاً ما ؟!

لهالسبب ناهيك عن ألم الأسنان الحسّاسه اللي راح تتخلّصون منّه نهائيّاً وعن تجربه

أتمنّى تستخدمونه مع فرشاتكم وتنسون المعجون للأبد
راح يتغيّر لون الفرشاة طبعاً
وإذا إستخدمتو الشاي وهو ساخن ممكن يخشوشن ملمسها
عشان كذا راعو لازم يكون الشاي بارد قدر الإمكان وتغسلونها زين بعد إستخدام الشاي
مايحتاج أوصّيكم الشاي بدون سكّر

على فكره أنا مهما أفرّش بمعجون الأسنان لازم تبقى رواسب على الأسنان إذا أبي أزيلها معناتها إني راح أتسبب في نزف اللثّه بس بعد الشاي الأخضرأحس إن أسناني فعلاً نظيفه

ممم بس من يسمع كلامي عساكم تسمعونه والله مابتندمون


تجربة إنسانيّه

سوو شاهي أخضر بدون سكّر خلّوه شوي
بعدين شيلو كيس الشاي
شربو منه شوي
وفرشو أسنانكم بالباقي

وخذو كيس الشّاي وفركو وجيهكم بأوراقه

وشوفو المرايه شفتو اللون الوردي ماقلت لكم بتوردون

وإذا بغيتو تستخدمونه كمنشّط للبشره يعني تنعشونها فيه

حطّوه في علبة فيها بخّاخ مع ماي الورد اللي يقولون إنّه سر جمال الإيرانيّات
زيلو فيها الماكياج وإنعشو بشرتكم فيها من وقت للثاني

شكرا لك على موضوعك الممميز