:uyyt: مقادير العجينه : 3 كوب دقيق - 3 ملعقه كبيره زيت زيتون ولو مش موجود ممكن زيت دره - ملعقه سكر صغيره - نص ملعقه ملح صغيره - 2 ملعقه خميره صغيره - نص كوب لبن دافى - بيضه :fdtgrf:
الطريقة: :dfyhgrtd:
اول خطوه هنعملها اننا نحط ملعقه السكر وملعقتين الخميرة على نص كوب اللبن الدافى ونقلبهم ونسيبهم على جمب يخمرو :lkjij:
وفى الوقت ده هنروح للدقيق
ونروح حاطيين نص كوب اللبن اللى عليه الخميرة والسكر عليهم ونعجن بقا
هنلاقى العجينه محتاجه لميه نبقا ساعتها نكمل بميه دافيه ونعجن لحد ما نلاقى العجينه بقت متماسكه وسابت من ايدينا ونحط عليه نص ملعقه الملح و 3 ملاعق زيت الزيتون والبيضه
نمسح ايدينا بشويه زيت زيتون ونمشيها ع العجينه ونغطيها بفوطه ونسيبها فى مكان دافى تخمر لمده ساعه
ممكن لو حابيين اننا نستخدمها فى وقت تانى نحفظها فى كيس ونشيلها فى التلاجه او فى الفريزر لو هتقعد اكتر من يوم
ولو هنستخدمها على طول هنقسم العجينه نصين لان الكميه دى تعمل 2 بيتزا كبير
نيجى بقا لفرد العجينه اول حاجه هنعملها اننا ندهن الصينيه بشوية زيت صغيرين
ونحط العجينه ونفردها بسمك واحد سنتيمتر
ونسيبها تخمر نص ساعه نكون جهزنا الحاجات اللى هنحطها ع الوش
الحشو : صلصه بيتزا - فلفل اخضر مكبب - زيتون - بصله - سجق او ممكن بسطرمة او ممكن نسغنى عن كل ده ونكتفى بالخضار :lklkklkllk: والجنبه لو حابيين انها تكون مارجريتا - جبنه موزاريلا او جبنه تركى
اول حاجه هنعملها للعجينه اللى فردناها اننا هنحط الصلصه الاول
وبعدين نحط الفلفل المكبب
وبعد كده البصل
وبعدين الزيتون
والسجق او الحاجه اللى هنحبها وتكون عندنا
وندخلها الفرن وفى نص السوا بتاعها نطلعها ونحط الجبنه الموزاريلا والتركى
ونسيبها لحد ما تكمل سوا والجبنه تسيح وده شكلها لما طلعتها
وبنص العجينه التانيه فردتها بالمشابه وجبت كوبايه وعملت بيها دواير وبنفس الخطوات اللى فاتت عملتها :jouoiiu:
:بغف: :بغف:
و يا رب تكون عجبتكوا :khfjljk:
الأربعاء يوليو 23, 2014 1:56 am من طرف 
